Gikuhaan na matud pa sa workload ang mga magtutudlo gikan sa tulo ka mga division sa Bukidnon.
Sa interview sa RMN Malaybalay ngadto kang DepEd Malaybalay Assistant Schools Division Superintendent Sunny Ray Amit gibutyag niini nga adunay proyekto ang upat ka mga division nga naglangkob sa Bukidnon Division, Malaybalay ug Valencia City Division ug Lanao del Norte Division kung asa ang kada division maoy mu-andam sa lesson plan sa usa ka grading period.
Matud ni Amit nga sa upat ka grading period adunay usa ka division ma-assign sa usa ka grading period aron maoy muhimo sa lesson plan.
Sigun sa DEPED Official nga tungod niini dili na unya muhimo ug lesson plan ang usa ka magtutudlo aron itudlo sa mga estudyante.
Tumong sa mao nga pagtinabangay sa 4 ka division aron mapaga-an ang trabaho sa mga magtutudlo sa probinsya sa Bukidnon ug Lanao del Norte kung asa dili na kinahanglan pang magsulat o mubalay pa alang sa paghimo ug lesson plan.
