Davao City- Patay ang usa ka 48 anyos nga lalaki human kini gidunggab gamit ang screw driver sulod sa opisina alas 5:00 sa hapon natigayun sa Banggoy St. ning siyudad sa Davao.
Sa report gikan sa Sta. Ana PNP naila ang biktima nga si Alexander Boquel, account officer sa Norkis Yamaha, residente sa Teacher’s Village Calinan ning dakbayan samtang ang suspetsado giila nga si Mamerto Alcano alyas Bambi, 46 anyos, nagpuyo sa Bangoy St., Brgy. Thomas Monterverde ning siyudad.
Sa imbestigasyun nga gilusad ni PO3 Neri, ang suspetsado anaa sa likod sa purtahan sa opisina nga gitrabahuan sa biktima ug didto kalit giduol kini dayun og dunggab sa makadaghang higayon tumong sa dughan.
Human sa panghitabo, daling misibat ang suspek sa wa matinong lugar samtang ang gilayun gidala sa iyang kauban sa trabaho sa Davao Medical Mission Hospital apan gideklara nga dead on arrival pinaagi sa attending physician nga si Dr. Michael Lucentares.
Samtang ang kapulisan padayun pa naglusad og manhunt operation ug ginaimbestigahan pa kung unsa ang motibo sa pagdunggab sa biktima ug ang suspitsado gipangita na sa kapulisan.
RadyoMan Don Pulayao
