Davao City – Kaniadto pa suportado ang tradisyunal ug alternatibong pamaagi sa pagtambal sa katawhan dinhi sa Pilipinas.
Kini maoy gitino ni Philippine Institute of Traditional and Alternative Health Care (PITACH) Director General Annabelle Pabiona-de Guzman atol sa paglusad sa 10th Traditional and Alternative Health Care Congress sulod sa usa ka dakong hotel ning syudad sa Davao kinsa miingon nga pinaagi kini sa R.A. 8423 kun ang Traditional and Alternative Medicine Act (TAMA) of 1997.
Gani, malaumon kini ug ang mga kakaubanan niini sa PITACH nga mapasa ang House Bill 7950 kun ang paghatag kanila og regulatory power alang sa traditional ug complementary health care ingon man nga mahatagan og dugang human resources, imprubar sa mga ekipo ug field offices.
Malipayon si de Guzman nga anaa na sa bicameral committee level ang maong House Bill diin kun ma-aprubahan, mamahimo na kining balaud gani kung mapasa, ipasa na gikan sa Food and Drug Administration (FDA) ang regulatory power sa mga traditional ug complementary health products ngadto sa PITACH.
“Products should not be separated from the practitioners, because the practitioners are the ones who know what products to be prescribed. If you separate the two, then indeed it will create confusion,” Matud niini.
Suportado sab kini ni kanhi DOH Sec. Pauline Jean Ubial, kinsa mitambong sa maong selebrasyon, diin miingon nga kinahanglan maghiusa sab ang western, tradisyunal ug alternatibong medisina tumong sa health literacy.
Lantaw sa Director General sa PITACH, mas andam na karon ang Pilipinas alang sa kauswagan sa traditional ug complementary medicines ug naglaum nga ang nasud maoy mamahimong usa sa mga mangulo niining industriya sa Asia ingon man sa tibuok kalibutan.
Matag bulan sa Nobyembre, ginasaulog ang Traditional and Alternative Health Care Month gani tema karong tuig mao ang “Harnessing the contribution of traditional & complementary medicine to health, wellness and people-centered health care.”
RadyoMaN Jason Amisola
