General Santos City–Usa ang patay samtang duha angol sa nahitabong disgrasya sa kadalanan sa may Purok Udagre, Barangay Conel Gensan alas 8:00 ang takna kagabie, June 17, 2018.
Biktimang namatay giilang si Reynaldo Buenaflor, hingkod ang panuigon, residenti sa Barangay Atlae, Malungon Sarangani Province. Samtang ang angol giilang si Roldan Esguera, 32 anyos, driver sa motorsiklo ug residenti sa samang lugar.
Nasayran nga sakay ang duruha sa motorsiklo diin driver niini mao si Esguera samtang n ag-angkas usab si Buenaflor. Pag abot sa may Purok Udagre, ni-overtake matud pa ang duha sa gisundang pick-up, apan ilang nabanggaan ang motorsiklong gimanihuan sa usa ka 17 anyos nga minor de edad maong nangatumba ang mga nasangpit.
Grabing samad ang naangkon ni Buenaflor nga maoy hinungdan sa iyang kamatayon. Samtang samdan usab ang 17 anyos nga minor de edad human sa insidenti.
Sa karon nagpadayon ang imbistigasyon kalabutan sa maong panghitabo.
