Roxas City, Capiz – Napasaka na sang mga kapulisan Roxas City PNP ang kaso kontra sa traffic auxiliary nga ginasuspetsahan nagpalupok sang pusil sa punong sa Brgy X, sining syudad. Ginsiling ni Police Master Sargeant Ramil Arcangeles, alarm and scandal through illegal discharge of firearms ang kaso nga atubangon sang suspek nga ginkilala kay Melton Beramo y Edaño, 42-anyos sang nasambitan nga barangay. Madumdoman nga narekober sang mga nagresponder nga katapo sang SWAT Team sang Roxas City PNP ang isa ka bag sa diin nabutang ang isa ka unit sang .38 caliber pistol Smith and Wesson nga may tatlo ka mga bala nga wala makalupok, guha ka mga empty shells kag mga IDs nga nakapangalan kay Melton Beramo. Kaupod ni Beramo nga nadakpan amo sanday Mark Gil Navaja y Vitera, 24-anyos kag 14-anyos nga menor de edad nga ginturn-over sa City Social Welfare and Development Office samtang ang mga kaupdanan snag mga ini nga sanday Gerson Beramo alias Pulmon kag Jessie Calinao ang nakatigayon nga makapalagyo. Una diri, duha ka mga lupok sang armasluthang ang nabatian sang mga residente.
photo(c)- Capiz PPO file photo
