General Santos City—Padayon ang gihimong imbistigasyon sa kapulisan kalabutan sa pagpamusil patay sa traffic enforcer nga si Ramir Ramos, 39 anyos, 2nd shift supervisor sa City Traffic ug residenti sa Purok 1, Barangay Tinagacan, ning syudad kansa una nang gipusil sa wala mailhing suspek alas 5:00 pasado ang takna sa hapon kagahapong adlawa.
Sumala sa kaubanan niining traffic enforcer nga sila gitabangan sa biktima nga maghatag ug TOF ngadto sa ilang mga gipangdakop nga greenplate nga tricycle atubangan sa Gaisano Mall apan kalit lang kining gipusil saw ala mailhing suspetsado.
Nakaangkon ug samad ang biktima sa likod nga milapos sa iyang dughan. Paspas kining gidala sa iyang kaubanan sa dr. Jorge Royeca Hospital apan gideklara kining dead on arrival.
Si Ramos ang ika 59 na nga biktima sa shooting incidents sa Gensan sukad sa bulan sa Enero karong tuiga.
