Usa ka Traffic Enforcer sa Syudad sa Sugbo,nga nitabang pagMAN sa traffic atol sa sunog sa Brgy .Tejero dakbayan as Sugbo , nakuryentihan ug kritikal ang kahimtang.
Dul-an sa napu ka mga panimay ang nasunog sa Sitio Agay-ay Brgy.Tejero dakbayan sa Sugbo.
Nadawat ang alarma sa sunog alas 2:52 sa hapon ug nakontrolar pagka alas 3:17 sa hapon.
Sa inisyal nga imbistigasyon sa kabomberuhan , ang kayo giingong nagsugod sa panimay ni certain Erlin.
Atol sa sunog usa ka traffic enforcer nga nagpuyo ra usab sa Brgy Tejero, nga nitabang sa pagduma sa traffic ang nakuryentihan, human matagakan sa live wire atol sa sunog.
Ang traffic enforcer mao si Roy Coronada, taga Brgy. Tejero.
Padayon pa ang imbestigasyon sa kabomberuhan kong unsay hinungdan sa sunog, ug pila ang kinatibok-ang danyos niini.
