General Santos City—Gipaabot na lamang sa buhatan sa Traffic Management Unit sa Polomolok ang pagpatim-aw sa kabanay sa biktima nga si Benedicto Bornales, 70 anyos, residente sa Purok 2, Brgy.Glamang, Polomolok kansa nabanggaan patay sa usa ka trisikel kung unsay himoon nilang lakang kalabutan sa maong panghitabo.
Kahinumduman nga una ng nabanggaan ang biktima sa trucycle nga gimanihuan ni Orly Palencia nga nanimuyo sa Brgy.Cacub, Koronadal City pasado alas 7:00 ang takna sa gabii sa may National Hi-Way sa Brgy.Glamang, Polomolok.
Pagbutyag ni Palencia nga gikan matud pa sila sa Malungon aron sunduon ang ilahang anak apan sa ilahang pagpauli samtang gasunod sa bungo wala niya nakita ang biktima nga kalit lang nitabok sa iyang atubangan hinungdan iya kining nabanggaan nga miresuta sa kamatayon.
Dugang asoy sa driber nga andam niini nga tubagon ang galastuson sa biktima sa ospital hangtod na sa pagpalubong og nangayo kini og pasaylo sa kabanay sa nahitabo tungod kay wala kini niya tuyoa kundili aksidente lamang ang pagbangga niini sa biktima.
Sa kasamtangan nagpabiling balhog sa lock up cell sa Polomolok PNP ang nasampit nga driver. (Reynald Timario)
