Roxas City, Capiz – Nagpaathag ang pamunoan sang Traffic Management Unit(TMU) sang Roxas City angut sa rason sang wala nagagana nga mga traffic lights sa corner hughes- Rizal street kag area sang Punta Tabuc.
Suno sa Traffic Operation Officer nga si Mr Gonzalo Andrada Jr, nasamad ang traffic lights sa Corner Hughes- Rizal Street bangud nga ini ang nasagaid sang wing van samtang ang sa bahin naman sang Punta Tabuc, ginpakamaayo anay nila nga indi pagamiton bangud
imbes nga maghalog, labi pa nga nagadugang sang pagpugok sang trapiko sa tiun sang aga kag hapon.
Ini bangud nga wala nagatama ang partition sang oras sang traffic lights subong man ang pag- obra sang dalan halin sa Punta Tabuc lapos sa Premier de Mayo.
Suno diri, nga ginahulat-hulat na lamang ang pagbalik sa operasyon sang nagpalya nga traffic lights sa pila ka dalanon sa Roxas City.
(c)- file photo from web
