Ya aclara el hefe del Traffci Division del policia local Chief Inspector Raymund Sanson cay chene sila conduci cambio na orihinal plano del ruta de trapico y el manera del serada del camino donde hay pasa el Grand Procession del National Youth Day luego tarde.
Na entervista del RMN Zamboanga, si Sanson ya abla cay chene que suweri sila con el NYD organizers para nomas ya hace el asembleya del mga participantes dentro del Centro Pastoral y nomas ya tambien alla hace el principio del procession, sin embargo, hace ya lang el registrationadentro y man asemble sila na mismo camino ya del Nuñez extension frontera del Emcor Corporation para Ciudad Medical usando el un lane del camino para hinde destorba con el mga motorista que a pasa na Gov. Camins y media del Nuñez extension qhe hay utiliza tambien el mga motorista con el un lane como pasada.
Asegun con Sanson, ta considera tambien sila el cuantos suhestion para sera lang con el camino que hay pasa el ruta del procession hasta na Fortaleza del Pilar.
Base na schedule del NYD, el diila assembly time para na procession amo alas-tres del tarde hasta alas-syete del noche. Y el miles del mga participantes hay pasa na ruta del Nuñex extension, Gov. Alvarez, La Purisima, P Lorenzo, Valderrosa y para na Fort Pilar Shrine. – *Bhong Simbajon/RMN News*
