TACLOBAN CITY – Ha pagtuman han balaud nga Tax Reform for Acceleration and Inclusion o kun TRAIN Law ha bug-os nga nasod, diri la gihapon nasasayuran an pira nga molupyo han mao nga balaod ngan kun ano an magiging epekto hini ha ira panginabuhi.
Sumala kan Bureau of Internal Revenue o kun BIR Regional Director Ma. Gracia Javier, importante nga tagan hin eksplenasyon an publiko kun ano an maibubulig han TRAIN Law ha nasod, naka-focus man gud la daw an mga istoryahon ha paghataas ha presyo han parapliton.
Usa daw nga benepisyo in mas madudugngan an income han usa nga empleyado kun diin mas duro-dako an magiging take home pay.
Pero pahimatngon han opisyal, nadepende ha usa nga empleyado kun papaunanhon niya igkokontrol an iya gin-gagastos.
Usa pa gihapon daw nga magiging benepisyo han TRAIN Law an makaghatag han mga gin-kikinahanglan han mga pilipino tikang ha Edukasyon, Infrastructure projects, Health, Trabaho ngan Social protection.
Tinikangan dida han Enero 1, 2018, in epektibo na an pag-iban ha withholding tax han kada empleyado.
