Training Ni Manny Pacquiao Sa Wild Card Gym, Mas Gihugtan

Mas hugot ang seguridad ug ang pagtan-aw sa media sa sulod sa Wild Card Gym para sa ensayo ni Manny Pacquiao.

Kini tungod sa nagpadayon nga heavy training ni Pacquiao para sa umaabot nga laban niini kay Lucas Matthysse sa Hulyo 15 sa Kuala Lumpur, Malaysia.

Gilimitahan napud ang mga tao nga pwede musulod sa Wild Card Gym ug wala napud gitugtan ang mga camera hilabi na sa sparring sessions.

Kauban ni Pacquiao sa training ang spar mate niini ang Australian boxer nga si George Kambosos Jr. ug ang Chinese nga si Liu Bin, nga isa sa mga mulaban sa undercard fight.