120 ka mga pulis ang napasakaan na og kaso sa Philippine National Police Counter Intelligence Task Force o PNP C-I-T-F tungod sa pagkalambigit sa mga kahiwian.
Base sa datos sa PNP CITF, 82 ka mga pulis ang gipaubos gilayon sa regular filing ug walay nahitabong pag-aresto, siyam niini Police Commissioned Officer o P-C-O ug 73 mga Police Non Commissioned Officer o P-N-C-O.
Samtang ang 38, gisikop una sa wala pa gipasakaan og kasong administratibo, 12 niini PCO ug 26 ang PNCO.
Ang mga gisikop ug napasakaan sa kasong administratibo, gikan sa 74 ka pulis nga gisikop sa PNP sugod nga gitukod ang PNP CITF hangtud niadtong Lunes, Hunyo 4, 2018.
Una nang gibutyag ni PNP Chief Police Director General Oscar Albayalde nga sa iyang pagdumala sa PNP pahugtan niya ang internal cleansing.
Sukad nga nilingkod si General Albayalde, tulo ka pulis na nga nalambigit sa kahiwian ang nasikop sa PNP CITF.
RMN Manila
