TRAINING-WORKSHOP PARA KADAGITI KOOPERATIBA, IWAYWAYAT TI DAR ILOCOS NORTE

iFM Laoag – Mangisaysayangkat ti Department of Agrarian Reform – Ilocos Norte ti serye ti training-workshop seknan ti “Formulation of Lending Policies, Systems and Procedures” para kadagiti naduma-duma a kooperatiba iti probinsya.

Daytoy ket tapno maammuan dagiti kooperatiba dagiti pagannurutan, sistema ken addang iti panagutang babaen ti Agrarian Production Credit Program wenno APCP.

Gagem ti APCP a mangpautang kadagiti Agrarian Reform Beneficiaries Organizations wenno ARBOs, kas koma kadagiti kooperatiba.


Daytoy a pautang ti i-“relend” wenno ipautang met dagiti ARBOs kadagiti miembroda a mabalinda nga usaren para kadagiti “agri-production projects and activities.”

Ti kauddian a bansada ti training-workshop ket inatenderan dagiti sumaganad nga ARBOs: Ver Multipurpose Cooperative (MPC) ken Salucag MPC ti Dingras; Capacuan MPC ken Camguidan MPC ti Batac; ken Mumulaan Farmers MPC ti Paoay.

Dagiti partikular nga immatender ket dagiti chairman, manager, secretary, treasurer, bookkeeper, credit committee ken audit committee dagiti nasao a kooperatiba. [Detalye manipud ken ni Jorge Guerrero]

Bernard Ver, RMN News

Facebook Comments