Trak de karga nahagbong sa dagat

615

Imbistigahon sa Philippine Coast Guard ang insidente diin nahagbong sa dagat ang trak de karga nga isakay sa usa ka barko gikan sa pantalan sa Danao City paingon sa isla sa Camotes kagahapon, Hulyo 15.

Ang 6-wheeler truck nga gikargahan ug gatusan ka sakong mais padung nang isakay sa roro nga MV Mika Mari-vi nga iya sa Jomalia Shipping Lines dihang nahagtos ang higot sa rampa ug nahagbong sa dagat ang sakyanan.


Daling nakalayat gikan sa trak ang driver ug mga kauban niini ug way na-angol sa insidente .

Dali usab nga nirespondi ang Coast Guard Danao ug wa na palargaha ang maong barko , samtang ang 94 ka pasahero ug laing 10 ka laing rolling cargo gibalhin sa laing barko sa Jomalia nga MV Mika Mari 6 .

200 ka sako sa bugas ang unang nakuha gikan sa naunlod nga trak samtang adunay laing 200 nga nahabilin pa ilawom sa dagat .

Facebook Comments

From Advertisers