Magahiwat sang transport forum sa Nobyembre 30 ang nagkalain-lain nga sektor sa pagpanguna sang PISTON-panay.
Ini ang ginpahayag ni Edgar Salarda, Presidente sang PISTON-panay agud istoryahan ang mga problema sa sektor sang transprtasyon.
Suno kay Salarda nga kalakip sa mga sektor nga ila gin-imbitar sa transport forum ang mga tiglawas sang simbahan, mga estudyante, negosyante, mga kababainhan, mga tag-iya sang auto supplies kag mga gasolinahan.
Sa nasambit man nga forum, paga-istoryahan sang transport groups kon bala maga-upod sila sa hiwaton nga transport strike sang PISTON national sa maabot nga Lunes kag Martes nga adlaw.
Ini angut sa gihapon sa mabaskog nga pagpamatuk jeepney modernization program nga ginaduso sang gobyerno nga maga-epekto na sa Enero 2018.
