Bisan kung mas ubos kaysa sa ilang unang gipangayo nga usbaw sa plitihan apan gihangop sa National Confederation of Transport Workers Union (NCTU) Visayas ang provisional fare hike nga giaprobahan sa Land Transportation Franchising and Regulatory Board .
Ang 1-United Transport Kowalisyon o 1-UTAK maoy niduso ug petisyon ngadto sa central office sa LTFRB sa niaging buwan aron usbawan ug P2.00 ang plitihan sa mga puj sa Central Visayas region tungod sa kanunay nga pagtaas sa presyo sa lana ug pagmahal sa maintenance sa ilang mga sakyanan .
Subay niini ang LTFRB human sa deliberasyon nitugot ug umento nga gikan sa P6.50 nga minimum nga plitihan himoon na kining P8.00 alang sa unang 5 ka kilometro , apan way umento ang mosunod nga mga kilometro .
Matud ni Romeo Armamento sa NCTU –Visayas maayo na lang kini kaysa sa wa gyuy umento sa plitihan sa puj alang sa rehiyon .
