Malaybalay City, Bukidnon – Nakapabor matud pa ang mga transport group sa Bukidnon sa pagpatuman sa public utility vehicle modernization program sa gobyerno.
Sa interview sa RMN Malaybalay ngadto kang Allan Guro, ang regional director sa Land Transportation Franchising and Regulatory Board kon LTFRB region 10 gibutyag niini nga nakapabor ang mga transport group sa probinsya tungod kay aduna kini existing nga transport cooperative nga adunay certificate of good standing.
Dungan niini, gi-aghat ni Guro ang mga individual operators nga morehistro o mu-apil sa mao nga kooperatiba tungod kay prayoridad kini sa gobyerno.
Hinoon sigun sa regional director nga kung dili man kooperatiba, kinahanglan nga magmugna ug corporation o consortium.
Gipahibalo usab niini nga dili na modawat ang LTFRB sa indibidwal nga prangkisa kon dili grupo na.
