Umpisa buwas nga adlaw, magataas naman sang dugang nga 1.30 ang presyo sang kada litro sang diesel samtang 45 sentimos naman sa kada litro sang gasolina kag 90 sentimos naman ang ginsaka sa presyo sang kada litro sang kerosene.
Bangud bigtime ang gintaas sa presyo sang petrolyo, maga-file naman sang petisyon ang mga transport groups sa LTFRB agud hingyuon ang pagpataas sang pamasahe.
Suno sa department of energy, indi nila puwede punggan ang pagtaas sang presyo sang petroleum products bangud deregulated ini ukon wala sang kontrol ang gobyerno sa presyuhanay sang langis.
Epekto sa gihapon sang hurricane harvey nga nagpasira sang oil refineries sa texas , usa ang pagtimbuok sang presyo sang imported nga petrolyo.
Humalin sang enero sini nga tuig, naglab-ot na sa 3.40 ang gintaas sa presyo sang kada litro sang diesel samtang 3.64 naman ang kabug-usan nga gintaas sang presyo sang gasolina.
Bangud sini, ginpahayag sang grupo nga Pasang Masda, magahirit sila nga himuon nga 10 ka pesos ang minimum nga pamasahe sa jeep sa una nga lima ka kilometro kag dugang nga 2 ka pesos sa tagsa ka masunod nga kilometro,.(sspunay)
