Bukidnon – Ipahigayon sa Pinagka-isang Samahan ng mga Tsuper at Opereytor Nationwide kon PISTON-Northern ang usa ka adlaw nga transport strike nga himuon karong adlawa sa dakbayan sa Valencia.
Sa interview sa RMN Malaybalay ngadto kang Edgar Calo ang spokesperson sa sa PISTON-Bukidnon nga ubay-ubay ang nisalmot ug nagpakitag pagsuporta sa nationwide transport strike karong adlawa.
Ila matud pa kining gihimo aron ipakita ang pagsupak sa modernization program sa PUJ’s nga mag-phase out sa mga de pasaherong dyip.
Parahon lang matud pa diha sa i-montar nga mga choke points ang masapong namasahero og pasabton sa kamahinungdanon sa maong kalihukan.
Dungan niini nangayo ug despinsa si Calo sa publiko kalabot sa ilang transport strike karong adlawa ilabina sa Valencia City.
Samtang kamulo matud pa karon ang grupong STAREX Piston Northern Mindanao sa transport strike.
Sa interview sa RMN Malaybalay ngadto kang Ringo Lago, ang secretary general sa STAREX -PISTON Northern Mindanao gibutyag niini nga nga dili pa hinog ang panahon aron dali-dalion pag-ilis ang 15 anyos pataas nga jeep pasayruhan sa nasud.
Gibutyag niini nga ilawom sa modernization program dili lamang ang mga jeep ang phase-out kon dili apil ang mga multicab ug mga sakyanan nga lapas 15 ka tuig na.
Samtang sa interview sa RMN Malaybalay ngadto kang LTFRB 10 regional director Allan Guro gibutyag niini nga adunay sanction usba silang ipahamtang sa mga drivers nga muapil sa strike.
Hinoon gipasalig niini nga ipailawom usab nila sa due process ang mga drivers nga possible nilang pahamtangan ug penalty.
Adunay penalty matud pa nga 5-mil pesos ang dangatan sa operators nga moapil sa welga.
