Iligan City- Naka oxygen pa ug anaa sa talandogon nga kahimtang ang usa ka sikad driver human kini giluba sa iyang silingan samtang kini natulog sa iyang sikad alas 12 sa kaadtuhon kaghapong adlawa diha sa may Purok catleyasakop sa Barangay Villaverde ning dakbayan sa Iligan.
Sa report ni RadyoMan Paul Elorde gikan sa kapulisan , ang biktima nailang si Julius Barros, 42 anyos minyo ug molupyo sa nasangpit nga dapit samtang ang suspetsado nga iyangsilingan naila nga si Pablito Losica Jr. hingkod ang pangidaron ulitawo ug walay trabaho.
Matud pa nga samtang natulog ang maong biktima kalit lang kining gidunggab sa maong suspek gamit ang kutsilyo nga taas ug maayong pagka igo sa likod niini ug milapos sa atubangan nga bahin sa dughan.
Gilayong naka responde ang ginsakpan sa BPAT sanasangpit nga barangay ug gidala ang biktima sa CityHospital samtang ang suspetsado anaa karon gi detained sa Police Station 5 ug mag atubang ug kasong frustratedmurder.
Giingong daang panagbingkil sa duruha ang hinungdansa pagpanunggab.
