General Santos City—Duha ang patay sa nahitabong pagbanggaanay sa usa ka sikad ug usa ka motorsiklo sa Mabuhay Road, Barangay Mabuhay, Gensan, alas 2:10 ang takna sa hapon, kagahapong adlawa.
Biktimang namatay mao silang si kim Fillalan, 17 anyos, driver sa Suzuki Rider nga taga Almanang, Palkan, Polomolok, South Cotabato ug Danilo Zapico, 29, driver sa Traysikad nga taga Ma. Teresa, Barangay San Isidro. Samtang samdan usab si ang pasahero ni Zapico nga silang si Rene Orbista, 26, ug Ian Zapico, 30 anyos.
Sa inisyal nga imbistigasyon sa Traffic Management Unit (TMU), gikan sa sentrong bahin sa syudad si Fillalan padulong sa Barangay Mabuhay, samtang ang Trysikad nga gimanihuan ni Zapico gikan sa Barangay Mabuhay padulong sa Gensan. Pag-abot sa lugar, ming overtake matud pa ang sikad sa gisundan niining sakyanan mao nga mibangga sa motorsiklo ni Fillalan.
Tungod sa kusog nga impact, parehong nakaangkon ug grabeng samad ang duha ka mga driver nga hinungdan sa ilang kamatayon.
Base sa record sa TMU, tulo ang ilang natalang patay tungod sa disgrasya sa kadalanan atol sa pasko samtang ubay ubay usab nga Vehicular incidents ang ilang narespondihan.
