Traysikol aksidente nakabunggo sa truck sa banwa sang Manapla, drayber pilason

20

Pilason ang drayber sang traysikol matapos nga aksidente nga naka-bunggo ang iya gina-maneho sa isa ka delivery truck sa highway sang Brgy. Tortosa, Manapla.

Ang driver sang traysikol ginkilala kay Ramon Tandug Jr., 26 anyos, single kag pumuluyo sang Victorias City, samtang ang driver naman sang truck ginkilala kay Benjie Sayaang, 28 anyos, soltero kag taga-Cebu City.


Sa inisyal nga imbestigasyon sang Manapla PNP, ang traysikol ang halin sa Manapla kag magapadulong kuntani sa Victorias City, apang sang paglab-ot sa highway sang Brgy. Tortosa, aksidente nga naglupok ang panguna nga royda sang traysikol gani nadulaan ini sang control.

Bangud sini, nag-diretso sa wala nga bahin sang karsada ang traysikol gani aksidente ini nga nakabunggo sa nasugata nga delivery truck.

Pilas sa ulo kag pagpalanakit sang lawas gid lamang ang naangkon sang biktima kag ini gindala sa Silay City Provincial Hospital.

[image: image.png]



Facebook Comments