UPAT NAARESTO TUNGOD SA MAHJONG

13

*Upat ka mga indibidwal ang malampuson nga naaresto sa gihimong operasyon sa mga otoridad sa Dapitan CPS batok Illegal Gambling nga naila nga “Mahjong” kaniadto nga 2:30 ang takna sa hapon sa nakalabay’ng adlaw didto sa Purok Palaran, Brgy. Cawa-cawa, syudad sa Dapitan.*

*Ang mga naaresto mao sila Eva Jamarolin Adasa, 59 anyos, minyo; Mamertito Jarapan Acopiado, 42 anyos, minyo, parehong residente sa Brgy. Cawa-cawa; Marjie Cinco Solon, 57 anyos, minyo, residente sa Brgy. Sta. Cruz; ug Annabelle Piñero Saguin, 50 yanyos, minyo, residente sa Brgy. Dawo.*


*Base sa spot report sa kapolisan nasayran nga gipangunahan ni PSSg Dexter Labisig ang maong operasyon batok Illegal Gambling naila nga Mahjong sa nahisgutang lugar kansang miresulta sa pagkasikop sa mga nahisgutang suspetsado.*

*Nakumpiska sa operasyon ang: usa (1) ka set nga mahjong tile, usa (1) mahjong pad, usa (1) nga lamesa, saysentay nuebe (69) nga mga mahjong chips sa lainlain nga kolor ug pusta nga salapi nga nagkantidad og dos mil kinientos pesos ( P2,550.00) sa lainlaing denominasyon.*

*Ang mga naaresto nga suspetsado anaa karon sa kustodiya sa kuerpo sa kapolisan alang sa pagsang-at sa tukmang sumbong sa korte.*

Facebook Comments