Pontevedra, Capiz- Natalana nga pasakaan sang kaso nga paglapas sa R.A. 9165 ukon Comprehensive Dangerous Drugs Act of 2002 ang isa ka persona nga nadakpan sa ginkasa nga buy bust operation sang mga kapulisan sa Barangay Bailan, Pontevedra Capiz kahapon nga adlaw.
Arestado ang 34-anyos nga traysikol drayber nga nakilala kay Jomar Delfin y Rada nga residente sang Barangay Cogon, Panitan Capiz.
Nakuha sa posesyon ni Delfin ang lima(5) tanan ka mga plastic sachet sang ginapatihan shabu, P500 nga marked money kag isa ka unit sang cellphone.
Ang amu nga persona ang nahibaluan nga isa sa mga drug listed personality sang mga kapulisan.
Ang operasyon ang natigayon paagi sa ginhugpong nga pwersa sang Provincial Drug Enforcement Unit ukon PDEU kag Pontevedra PNP.
