Nagatuga subong sang kakulba ang isa ka hermit crab sa Pacific island bangud sa ‘shell’ ini nga kaangay sa ulo sang monyeka.
Apisar nga madamo ang nahadlok, ginpahayag sang marine biologist nga nagkuha sa litrato sang hermit crab sa Henderson Island, sa Pitcairn Island Pacific Ocean, ginhimo ini indi para magtuga sang kahadlok kundi ipakita ang malain nga epekto sang paglapta sa dagat sang mga butang nga pwede makaapekto sa marine environment.
Post pa sang mga netizens nga daw kaparehas sang nasambit nga hermit crab ang isa sa mga “creepy toys” sang pelikula nga Toy Story.
Ginapahanumdoman naman sang orihinal nga nagsulat sang artikulo nga indi gid pagpahanugutan nga maglapta sang sagbot sa kadagatan bangud maapektuhan gid sini indi lang ang mga sapat, kundi pati ang mga tawo.
———–
Like our official Facebook page: www.facebook.com/ifmbacolod943
