Roxas City, Capiz – Nangin dalan ang sikat nga reality tv show agud nga makit-an sang star dreamer nga si Marie Carmen ang iya biological mother nga nahamulag sa iya sang kapin sa 23-anyos na!
Pinaage sa vlog sa bulig sang abyan nga si Fuyima, ginpanawagan ni Marie Carmen kun sin-o man ang nakakilala ukon pamilya sang iloy sini nga nagahingalan kay Eunice Vergara nga amo ang nakabutang sa dokumento kun sa diin siya ang ginpa-adopt.
Sa interview sa iya, emosyonal nga ginsiling sang 23-anyos nga si Marie Carmen nga ginpursige niya ang pagpangita sa matuod nga ginikanan agud nga matuldokan na ang ginakabig “pinakadako nga question mark” sa iya kabuhi.
Mahibaloan nga suno diri, ginpa-adopt siya sang iya iloy nga si Eunice sang siya ang bata pa.
Samtang base sa impormasyon, taga-Brgy Lucero, Jamindan, Capiz ang iloy sini nga si Eunice Vergara.
Nahibaloan nga ang nasambitan nga post ang nakaangkon na sang nilibo nga mga shares, comments kag mentions. Samtang nakalab-ot na sa 123 ka libo ang view sang panawagan sini sa Youtube.
Balantayan ang emosyonal nga pagkilit-anay sang mag-iloy!
photo © PBB
