Viral sa subong kag nag-ani sang mga pagbatikos kag kritisismo ang kontrobersiyal nga video ni Presidential Communications Operations Office (PCOO) Assistant Secretary Esther Margaux Justiniano Uson ukon mas kilala bilang Mocha Uson upod ang kapareho sini nga blogger nga si Drew Olivar.
Mahibaluan nga ginpakamalaot sang mga netizens ang amo nga video nga parte sang “Good News Game Show” ni Uson.
Ini ang bangud sa pagsaot ni Olivar samtang nagakanta gamit ang double meaning nga lyrics kag ang sentro amu ang kampanya sini para nga iduso ang Pederalismo.
May kaangut sini nagpahayag sang pagkadismaya ang pila ka mga senador kalakip si Senator Koko Pimentel kadungan sang pagsiling nga indi makabulig si Asec. Mocha Uson sa information campaign angut sa Pederalismo.
Pahayag sini,” Di ko lubos akalain na bababuyin pala nila ang kawsa ng Pederalismo. Ilayo na si Mocha sa Pederalismo. Mag-aral muna siya ng mabuti. Mag leave muna siya,”
Samtang gin-insister naman ni Uson nga wala sang kahilabtanan ang consultative committee (con-com) nga amu ang nag-review sang 1987 Constitution sa kontrobersiyal nga dance number.
Suno pa diri, lunsay joke lamang ini kag indi pa kabahin sang information and dissemination campaign.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
