Pagadian City – Naglusad na sa makuti nga imbestigasyon ang kapulisan sa syudads a Pagadian alang sa pag-ila ug pagdakop sa armadong kalalakin-an nga maoy nitulis sa tresurero sa Barangay Gubang ning syudad sa Pagadian.
Nakuha sa mga tulisan gikan sa posisyon sa biktima nga si Eliezer Duyag, ang mobalor sa 48,000 nga kantidad sa salapi.
Base sa inisyal nga imbestigasyon nasayran nga alas 2:30 kagahapon sa hapon dunay duha ka Toyota Hilux (Pick-Up) nga kalit nga niabot sa covered court sa Brgy. Gubang, Pagadian City diin usa sa maskarado nga suspek ang nagpabuto sa M16 riflepunting ngadto sa atop sa the covered court hinungdan nga naalarma ang lumulupyo sa lugar.
Gumikan sa kahadlok nidagan ang biktima nga piniyalans sa salapi sa Barangay paingon ngadto Barangay hall apan gihawiran kini sa armadong kalalakin-an.
Gipahapa ang biktima ug gikuha ang cellphone niini ug kwarta nga naa sa sulod sa bag.
Human sa hitabo dali nga nisiabt ang mga suspek sakay sa get-away vehicle ug nahipos sa dapita nahitabuan ang tulo ka basiyo sa bala sa M16 rifle.
_ _
