Porcausa asegun na “triangulo de amor” con man live-in partner ya liquida adentro del diila boarding houise in Purok 4, 28IB na Calarian del Webes por la noche.
El Jefe del Sinunuc Police Station si Sr. Insp. Daniel Taub ya nombra con el maga victima como canda Alson Arraji y Mawali, 23, de Baliwasan y si Sahara Kibari y Susi, 32, nativo de Moralla Street, Jolo, Sulu.
Si Arraji ya sostene tupada del bala na su cabesa y bariga mientras con Kibari ya tira na esquierda carillo y na derecha braso.
Ambos sila dos ya muri dayun durante el incidente.
Asegun na imbestigacion del pulis ta aparese ya puede ya lang oyi trucusan adentro casa donde ta arquela canda Arraji pasada alas 7 del noche donde ya puede pa oyi el dueño del casa ya grita si Kibari na dialect de Tausug hablando “Ayaw na To” y despues ya segunda seguiditos rebentada del pusil.
Ya puede pa columbra el maga testigao tiene un persona ta usa asul camisa y de bigote quien ta cohre pa afuera despuesdel incidente.
El maga pulis ya recobri capsula y punta de 45 calibre na lugar del crimen.
El pulis ta mira tiene que hace na amor el motibo del matansa con el maga victima considerando si Arraji aca cuatro ya marido di Kibari donde unu del tres primermarido di Kibariya dale ya amensao con estos.
