Tricycle bumalintong, 1 patay ag 4 rong ninahan

40

Altavas, Aklan – Sambilog rong patay ag ap-at rong ninahan matapos nga bumalintong rong sangka tricycle kaina it agahon sa national highway kung Brgy. Linayasan, Altavas, Aklan.
Ro biktima nakilaea kay Reyjun Igos, 24-anyos ag residente it Brgy. Cabugao, Batan.
Suno kay PO3 Niel Alejandro it Altavas PNP nga natabo rong akisdente samtang ro tricycle halin it Cabugao, Bata nag nagapaadto sa banwa it Altavas apang pag-abot sa natabuan ko aksidente hay nadueaan it control rong driver ag ginapatihan nga tumakeas rong kariton sa mataas nga parte rason nga bumalintong.
Rayang biktima hay naka backride ag pagbalintong it tricycle imaw nahueog ag hapintae ro anang ueo ko kilid it atop ko tricycle ag fatal gid ro lastro.
Gindaea pa imaw sa Altavas District Hospital si Igos pero gin deklara nga dead on arrival.
Samtang rong 4 ka mga pasahero nga puro minor de edad nga uwa eon ginpangaeanan ni PO3 Alejandro hay nakaangkon it mga minor injuries pero gin refer sa Aklan Provincial Hospital.
Nasayuran nga rayang si Igos hay naga OJT sa AKELCO, Altavas Substation.
Sa makaron rong driver it tricycle nga si Eljeno Francisco, 34-anyos it nasambit man nga lugar hay detained sa lock up cell it Altavas PNP para sa nagakaigo nga disposisyon.

Facebook Comments

From Advertisers