Tricycle driver arestado sa buy-bust operation sa Koronadal City.

Arestado ang isa ka tricycle driver sa ginpatigayon nga buy-bust operation sang Philippine Drug Enforcement Agency o PDEA 12 sa bahin sang Purok Morillo, Barangay Sta. Cruz, Koronadal City, South Cotabato alas 5:20 kahapon nga adlaw.
Ginkilala ang suspek kay EDUARD D. VALLENTE, 37 – years old, married kag residente sang nasambit nga lugar.
Si Vallente ang naaresto matapos magpasugot nga magbaligya sang isa ka heat-sealed transparent plastic sachet sang suspected shabu sa PDEA Agent nga nagpakilala nga poseur-buyer kambyo sang buy-bust marked money.
Nakumpiskar man sa iya nga possession kag control ang isa sachet sang suspected shabu may kabug-aton nga more or less 0.5 gram kag nagakantidad sang P3,500.00, 2 ka improvised all-weather glass tooter, 1 ka disposable lighter kag 2 ka units sang cellular phone.
Kaso naman nga pagbayolar sa Section 5, 11 kag 12 sang Republic Act 9165 ukon The Comprehensive Dangerous Drugs Act of 2002 ang ipasaka batok sa suspek nga sa subong nakadetine sa PDEA12 Detention Facility.