General Santos City—Samdan ang usa ka Janjan Sumali, 25 anyos, tricycle driver nga taga Tinoto, Maasim, Sarangani province human kining gibunalan ug gikulata pa sa tulo ka mga suspetsado sa may National Highway, sakop sa barangay Calumpang Gensan atubangan sa 4 Sister Video-k bar.
Subay sa pahayag sa biktima atol sa interview sa RMN Gensan News Team ngadto kaniya, naghatud siya ug pasahero sa lugar dihang kalit lang syang giduol sa suspek dayon gisumbag.
Nisukol siya pero gitabangan kini sa tulo ka suspek kung asa duha ang gasumbag kaniya samtang usa ang namunal gamit ang gahing butang.
Paspas nga nanibat ang mga suspek sa wala sayring lugar samtang ang biktima nangayog tabang sa mga bystander aron siya madala sa ospital.
Samad sa ulo ug mga bun-og sa kalawasan ang nasangkon sa biktima kansa nagpaalim nalang karon sa iyang mga samad sa balay tambalanan.
