South Cotabato- nagpadayon pa ang gihimong imbistigasyon sa kapulisan kalabutan sa pagpamusil patay sa usa ka tricycle driver nga nahitabo sa National Highway, sakop sa Purok Pag-asa, Barangay Carpenter Hill, Koronadal niadtong nakalabayng Domingo, Setyembre 30, 2018
Giila ang bitkima nga si Bernan Angeles, residente sa Sitio Angeles, Barangay Saravia, Koronadal.
Sa inisyal nga imbistigasyon sa kapulisan nasuta nga pauli na unta ang biktima gikan sa sentrong bahin sa Koronadal apan pag-abot sa lugar didto na kini gipusil sa wala mailhing mga suspek nga sakay sa motorsiklo.
Wala na nadala pa sa ospital ang biktima human nga patay gilayon kini gumikan sa mga samad niining naangkon. Samtang mga suspek paspas nga misibat human sa pagpamusil. Sa karon nagpadayon ang gihimong imbistigasyon kalabutan sa insidenti.
