General Santos City— Patay ang usa ka Roger Domabildo, 38 anyos nga residente sa Prk. People’s Village, Brgy. Cannery Site, Polomolok, South Cotabato.
Sumala kang Police Senior Inspector Romeo Albano, labaw sa investigation section sa Polomolok MPS nga alas 8 pasado ang takna sa buntag dihang nahitabo ang pagpamusil sa may cannery Road cor. Blk. 1,Docci Village, Poblacion. Polomolok.
Dugang pa niini nga nagabyahe ang biktima dihang gipusil sa wala pa mailhing suspetsado nga matud pa riding in tandem kung asa igo kini sa iyahang ulo nga hinungdan sa iyahang hinanaling kamatayon.
Basi matud pa sa ilahang insiyal nga pagsuta, pagbyahe lang ug tricycle ang panginabuhian niini ug wala man usab kini kriminal nga record sa ilahang buhatan.
Sa kasamtangan, padayon pa ang ginahimong imbestigasyon sa kapulisan sa motibo sa maong pagpamusil-patay sa nasangpit nga tricycle driver.
