General Santos City— Patay ang usa ka tricycle driver nga nailang si Johar Panagas, hamtong ang pangidaron nga residente sa Koronadal Proper, Polomolok, South Cotabato.
Sumala kang Police Superintendent Marvin Duadua, hepe sa Polomolok Municipal Police Station nga alas 3:320 ang takna sa hapon dihang nahitabo ang pagpamusil sa Dahlia St. Brgy. Poblacion, Polomolok.
Subay sa inisyal nga imbestigasyon, duha ka mga lalaki nga sakay sa usa ka XRM nga motorsiklo ang suspek sa maong pagpamusil.
Narekober sa crime scene ang mga basyo sa kalibre 45 kung asa kini ang nakatakdang ipa-ilalom sa cross matching aron masayran kung nagamit na ang samang pusil sa mga naunang pagpamusi sa Polomolok.
Sa karon, padayon ang ilahang ginahimong imbestigasyon ug nanghinaut nga adunay mga cctv sa alibot kung asa nahitabo ang pagpamusil aron sa mas daling pagsulbad sa krimen.
