Polomolok, South Cotabato—Dead on arrival na sa balay tambalanan ang usa sa target sa operasyon sa kapulisan nga si Naem Macabangin, hingkod ang pangidaron, trisikel driver nga nanimuyo sa Koronadal Proper, Polomolok, South Cotabato kansa misukol matud pa sa kapulisan dihang itunol na unta ang warrant of arrest sa kasong iyang giatubang.
Sumala pa ni Police Captain Brandy Rasos, Deputy Station Commander sa Polomolok PNP nga ang maong operasyon gipangunahan sa mga personahe sa Regional Drug Enforcement Unit (RPDEU) ug Polomolok PNP ala 1:30 sa hapon.
Saysay pa ni Rasos nga i-serve lang unta sa kapulisan ang warrant of arrest ngadto na sa suspek sa kasong frustrated murder, ug murder apan kalit lang matud pa kining mipaharurot ug padagan sa iyang trisikel rason nga gigukod sa operative team apan pag-abot sa Glamang National Hi-Way, una matud pang nagpabuto sa armas ang suspek hinungdan nga gibalsan kini sa kapulisan alang usab sa pagdepensa sa ilang kinabuhi nga miresulta sa iyang kamatayon.
Gidala gilayon sa pinakaduol nga hospital ang suspek apan gideklara na kining dead on arrival.(Reynald Timario)
