General Santos City–Balhog sa selda sa Tupi Municipal Police Station ang usa ka tricycle driver nga naila sa pangalang si Argie Ambrocio, 29 anyos, Taga Purok Pag Asa 2, brgy.Cebuano, Tupi, South Cotabato kansa nasikop sa buy bust operation sa otoridad.
Alas 2:50 sa hapon niadtong milabayng adlaw nagpahigayon og operasyon ang mga personahe sa Tupi PNP sa pagpanguna ni PSI Samuel Bascon batok illegal nga droga sa may Purok Candelaria Brgy.Poblacion Tupi South Cotabato.
Malamposong nasikop ang suspek human nakuhaan og tulo ka sachet nga gituohang shabu ingon man 500 ka pesos nga marked money.
Samtang giandam na sa kapolisan ang kasong kalapasan sa RA 9165 kon Comprehensive Of Dangerous Drugs Act of 2002 nga atubangon sa nasampit nga suspetsado. (Reynald Timario)
