Tricycle driver nga nagatabok sa dalan sa Distrito sang Arevalo, patay matapos mabunggo-an sang Auto

Patay ang tricycle driver matapos mabunggu-an sang auto sa dalan nga sakop sang brgy. Sto. Domingo,Arevalo kagab-i.

Ginkilala ang biktima nga si Rogelio Estrella, 44-anyus sang Brgy. Sta. Felomina,Arevalo.

Suno sa Arevalo PNP, nagatabok sa dalan ang tricycle driver sang nabungguan ini sang awto nga ginamaneho ni Ralph Icalla, 34-anyus sang Brgy. Magsaysay, Lapaz.

Nakaangkon sang pilas sa ulo ang biktima nga gintingwaan pa dala sa hospital,apang napatay man kaina sang kaagahon Lunes (August 21, 2017)

Samtang, ginpakamaayo na lang sang magtimbang nga bahin nga areglohon na lang ang natabo.