Dead on arrival sa ospital ang target sa drug buy-bust operation sang gintingob nga pwersa sang Polomolok MPS, SCMFC-SCPPO sa koordinasyon sang PDEA12 sa Purok Masagana 2, Brgy Pagalungan Polomolok, South Cotabato, alas 11:45 kahapon sang aga, Abril 29, 2021.
Ginkilala ang suspek kay Mohamedin Tomunas Macaludos, alias “Medin Macaludos”, 30 –anyos kag residente sang Prk. Maguindanao, Brgy. Lumakil, Polomolok, South Cotabato.
Base sa report sang Polomolok MPS ang suspek ang nagbatosuno pa sa mga otoridad sang namutikan nga ang katransaksyon ang police officer.
Nakaangkon naman sang igo sang bala ang suspek kag gindala sa ospital, apang gindeklarar nga patay sang attending physician.
Sa imbestigasyon sang Polomolok MPS ang suspek ang supporter suno pa sang Daulah Islamiya Group kag namanduan nga magmonitor sa hulag sang PNP Patrol vehicles nga nagasulod sa Brgy Lumakil kag kaingod nga barangays sa nasambit nga banwa.
Imbolbado man suno pa ang suspek sa paglapta sang illegal drugs sa banwa sang Polomolok.
Nakuha naman sa lugar ang 1 ka unit sang break-open type pistol (single shot) nga wala sang serial number kargado sang 1 ka fcc sang 5.56mm, 3 ka fcc 9mm, 6 ka heat sealed transparent plastic cellophane sachets nga may unod sang ginasuspetsahan shabu, 1 ka Kawasaki Bajaj motorcycle, belt bag kag blood swab.
Samtang ang nakuha nga illegal drugs ang may kabug-aton nga more or less 1 gram nga may DDB value nga P6, 860 per gram.
