Davao City – Nadakpan ang usa ka lalaki atol sa gikasa nga buy bust operation sa Buhangin PNP.
Ang suspek mao si Bryan Linguaje, 27 anyos, ulitawo nga taga Watusi St.Buhangin ning syudad.
Gikasa sa Station Drug Enforcement Team ang operasyon human nagkasabot ang poseur buyer nga pulis ug ang suspek nga magkita sa Carnation St. aron matunol ni Linguaje ang shabu ngadto sa otoridad alas-8:30 kagabhion.
Ang wala maalinggati sa tricyle driver nga mao na diay kadto iyang katapusang gabii nga gawasnon.
Human gitunol ang usa ka sachet sa shabu gilayon gipusasan sa otoridad ang suspek diin nakuha gikan kaniya ang dugang upat ka sachet sa shabu, motorsiklo ug 500 pesos nga mark money.
Balhog na karon sa selda sa Buhangin PNP si Linguaje diin karong adlawa isang-at ang kasong pagsupak sa Section 5 ug 11 sa Republic Act 9165 kun Comprehensive Dangerous Drugs Act of 2002 sa piskalya.
RadyoMaN Joel Viray
