CAUAYAN, NEGROS OCCIDENTAL – Isa patay 3 nasamaran matapos ginbungguan sang isa ka tricycle ang isa ka multi-cab may mga las 9:10 kagab-i sa Brgy. Mambugsay, Cauayan.
Nakilala ang biktima nga dead on arrival sa ospital nga amo si Rino Alarcon, 25 anyos ang edad kag pumuluyo sang Brgy. Po-ok, Hinobaan, isa sang pasahero sang multi-cab.
Samtang nasamaran naman sanday Miguel Gusarem, driver sang multi-cab kag nag-angkon sang pilas sa ulo kag bali ang tuo nga tiil; Vien Peritrante, 17 anyos sang Brgy. Guiljungan, Cauayan, pasahero sang traysikol kag may pilas man sa ulo kag fractured ang tuo nga kamot.
Pilason man ang driver sang traysikol nga si Robert Magno, 20 anyos, residente sang Brgy. Guiljungan, Cauayan kon diin ini siya ang nag-angkon sang pilas sa iya ulo kag baba subong man fractured ang iya wala nga tiil.
Suno sa utod sang isa sa mga biktima nga sakay sang multi-cab nga ini sila ang ginbunggu-an sang tricycle nga ila nasugata rason sang aksidente./dyHB BACOLOD
