General Santos City— Pasado na sa third and final reading sa hawanan sa konseho ang pagbawal sa mga tricycle nga mag-agian sa national highway.
Sumala kang Gensan City Councilor Elizabeth Bagonoc nga atol sa regular session milabay’ng martes, gi-amyendahan ni Kagawad Dominador Lagare Jr ang iyahang transaportation code nga nagatugot sa mga tricycle nga muagi sa national highway.
Tumong niini aron nga mahaum sa Local Public Transport Route Plan kon LPTRP nga una ng gi-aprubahan sa LTFRB. kung kahibaluan hugot nga ginabawal sa LPTRP nga muagi sa national highway ang mga tricycle basi sa balaud nasyunal.
Ang pag-amyenda sa transport code ang alayon usab sa hangyo sa ehikutibo nga dalian sa pagpasar ang LPTRP aron nga hingpit ng masugdan ang mplementasyon niini.
Apan sa karon, wala pay nasayran nga pagpanakop nga gihimo sa mga tricycle nga naga-agaian sa national highway ug posibleng gihatagan una sila ug lugway.
