General Santos City–Padayong gina-ila karon sa Traffic Management Unit (TMU) ang suspetsadong responsable nga mibangga patay sa usa ka Jefrrey Gecale, legal age, nga taga Barangay Fatima, Gensan, ala 1:23 ang takna sa kaadlawon sa Prk Naval, Conel Road Barangay San Isidro.
Basi sa imbistigasyon sa kapulisan nga gikan sa Lessandra Subdivision ang nasangpit nga biktima human nag-inom kauban ang mga higala niini apan pag pa-uli matud pa niini sakay sa iyang motorsiklo, miagi kini padulong sa NLSA road sa dihang kalit lang kining gibanggan ug puti nga tricycle hinungdan nga nalagpot kini daling gidala sa balay tambalanan ang biktima apan alas 2:00 ang takna sa kaadlawon nakabsan kini sa iyahang hinulamang kinabuhi.
Sa karon anaa na sa lokal nga purenarya sa syudad ang patay nga lawas sa biktima. (Dave Silagan)
