General Santos City—Patay ang duha ka mga biktimang silang si Romeo Pascualdo, 53 anyos nga taga Purok Changco, Barangay Bawing, Gensan driver sa tricycle ug Jeck Jeck Lambuan, 37 anyos nga taga, Barangay Lumatil, Maasim, Sarangani Province human nagbangga ang tricycle nga gisakyan sa mga nahisgutan ngadto sa Freezer van nga gimanihuan sa usa ka Arberto Arqueno alas 4:55 ang takna sa kabuntagon sa National Highway nga sakop sa Purok Wal, Barangay Tambler, Gensan.
Subay sa pahayag sa driver sa Van, gikan kini sa Kiamba, Sarangani ug padulong sa sentrong bahin sa syudad.
Apan pag abot sa lugar didto na nag bangga ang tricycle nga gimanihuan sa biktimang si Pascualdo, iya pa kining gilikayan apan uhawi na ang tanan.
Nakaangkon ug daghang mga bali ug dagkong samad sa kalawasan ang duha ka mga biktima nga hinungdan sa iyang kamatayon. Nasayran nga nadapa pa sa balay tambalanan ang duruha apan gideklarang dead on arrival si Pascualdo samtang si Lambuan gideklarang patay human sa pipila ka minutos dihang siya gidala sa ospital.
Sa karon nagpadayon pa ang gihimong imbistigasyon sa traffic management unit kalabutan sa insidenti.
