Davao City – Gipusil-patay ang usa ka tricycle driver alas 5:40 sa hapon nahitabo sa Prk. Ilocandia, Brgy. Mankilam, Tagum City.
Sa rekord sa Police Regional Office 11 (PRO-XI), ang biktima giila nga si Rolando Matas Pelostratos, 28 anyos, ulitawo, tricycle driver, ug residente sa Sobrecary Street, Tagum City.
Sa inisyal nga imbestigasyon, nasayran nga una nahitabo ang insidente gisundo ni Pelostratos iyang girlfriend nga si April Vea Alfarero sa usa ka auto shop nahimutang sa Apokon Road, Brgy. Apokon, Tagum City, sakay sa iyang motorsiklo.
Sumala pa pag-abot sa destinasyon niini, adunay duha ka mga wala mailhing suspetsado diin usa niini ang nipusil sa ikatulo ka higayon igo sa ulo nga bahin ni Pelostratos resulta sa hinanaling kamatayon niini.
Human sa panghitabo daling misibat ang mga suspetsado sakay ang motorsiklo nga walay plate number paingon sa wala matino nga direksyon.
Narekober sa crime scene ang tulo ka mga bala nga nag gikan sa .45 nga kalibre sa pistola diin anaa na karon sa kustodiya sa mga awtoridad.
Samtang ang patay’ng lawas sa biktima gidala sa Villagan Funeral Services, La Filipina, Tagum City.
RadyoMaN Jason Amisola
