Davao City – Daw gilabanan sa Sentro Labor Organization Davao Region Chapter si Senador Sonny Trillanes gikan sa mga banat niini kang Presidente Rodrigo Duterte.
Sumala ni Sentro Labor Organization Focal Person Michael Ybanez nga ang batikos ni Trillanes kang PRRD kabahin sa iyang katungod sa nagtuyok nga demokrasya sa Pilipinas.
Segun ni Ybanez nga kung aduna ma’y panghinaway ang Senador sa administrasyon karon angay tubagon kini ug dili ipaagi sa pagsang-at og kaso nga sedition sama sa gilaraw sa grupo sa mga abogado.
Apan giklaro ni Ybanez nga ang iyang paglaban kang Trillanes dili ingon nga gidepensahan na niya ang senador.
Apan nagpuntarya ang pagpasabot niini sa nagpatigbabaw nga demokrasya sa Pilipinas diin ang matag usa gipasaligan sa balaod nga gawasnon mapatunhay sa sentimiento batok sa gobyerno sama sa gihimo ni Trillanes.
Sa usa ka demokratiko nga nasud sama sa Pilipinas gikinahanglan dili mawala ang indibidwal kun grupo nga andam manaway sa gobyerno kay timain kini sa himsog nga demokrasya.
Mas mapatunhay ang lig-on nga demokrasya kun walay kukahadlok mubanat ang mga kritiko sa mga namuno kay pinaagi niini dili makabinuang ang mga anaa sa puwesto sama kang Trillanes kinsa walay puas nagapanghinaway sa administrasyon ni Duterte.
RadyoMaN Joel Viray
