Davao City- Dili magpadala sa daghang trabaho si Davao City Madrassah Officer Ustadz Basit Bacquirel,aron makapami- naw sa ikapito ka adlaw nga senate inquiry sa 6.5 billion shabu shipment ugmang adlawa.
Sumala ni Bacquirel nga dili gayod niya sipyaton aron suportahan sila Vice Mayor Paolo Duterte ug Atty. Manases Carpio sa pagtambong sa blue ribbon committee investigation aron tubagon ang pasangil nila Senador Sonny Trillanes ug Mark Taguba labot sa isyu sa Bureau of Customs.
Wala kuno’y angay pang limpyohan sila Pulong ug Mans sa pagtestigo sa senado sanglit walay igong basehan sila Trillanes ug Taguba aron iduot sa shabu shipment ang duha ka sakop sa unang pamilya.
Ug gamiton lang daw ni Trillanes ang senado aron mang-bully sa iyang kontra ug pugson nga mapahid nila Pulong ug Mans ang shabu shipment aron paka-ulawan ang kagamhanan sa giyera kontra droga.
Kampanti ang ustadz nga dili musalir si Trillanes sa iyang mga banat ug alegasyon kang Vice Mayor ug Mans sa matigayon nga imbistigasyon sa suhulan sa BOC ug shabu shipment gikan china.
Nagtoo pa kini nga dili makahimo ang bise mayor ug ang bana ni Mayor Inday sa mga anomaliya sa BOC ug labaw na sa shabu kay sigurado mu-ulbo gyod sa kasuko si Presidente Dutete niana.
Kung si Bacquirel ang pasultihon dili na gani dapat muadto sa senado ang duha tungod kay tataw man nga wala silay kalambigitan sa isyu sa BOC apan sa ngalan sa kamatooran maayo pod nga mutambong sila aron matin-awan ang publiko sa pasangil nila Trillanes ug Taguba batok kanila.
Kasamang Joel Viray
