Nakahanda si Senador Antonio Trillanes IV nga magpirma sa isa ka waiver agud mabuksan ang iya bank accounts matapos ginsiling ni pangulong Rodrigo Duterte nga may ginatago siya kuno nga manggad sa iban nga pungsod.
Ginpahayag ni Trillanes nga magapirma siya sang isa ka waiver para sa iya kinamatarung sa bank secrecy law sa tion nga makakuha siya sang detalkye natuhoy sa alegasyon batuk sa iya ni pangulong Duterte.
Sang nagligad nga adlaw, nagpaandam si pangulong Duterte kay Trillanes nga ibuyagyag ang ginapahayag bank deposits sini sa iban nga pungsod kalakip na sa China, Hongkong, Australia kag Amerika.
Apang ginpanginwala naman ini ni Trillanes kag ginsiling nga paagi lamang ini sang presidente agud baliswaon ang atensyon sang publiko angut sa alegasyon nga iya ginatudlo kontra sa presidential son nga si Davao City Vice Mayor Paolo Duterte.
