Trillanes sinagot ang tirada ng Pangulo: ‘Henyo ka talaga, Duts’

2059

Sumagot si Senator Antonio Trillanes IV sa mga pambabatikos at paratang ni Pangulong Rodrigo Duterte sa kanya.

Sa speech ng Pangulo sa Davao City, Huwebes, tinawag niyang “walang hiya” at sinabing “binaboy” umano ni Trillanes ang Senado.

Sagot naman ng Senador sa Pangulo, “ayan ka na naman.”

“Hindi ka pa nga nakakabawi sa kapalpakan mo dun sa inimbento mong offshore bank accounts na bintang mo sa akin, pati na rin dun sa mga sinabi mo laban sa Nanay ko, tapos may bago ka na namang bintang,” pahayag ni Trillanes.

Matatandaang nag-imbento ang Pangulo ng inakusa nitong offshore bank account ng Senador sa Singapore, nakaraang taon.

“This time, si Bikoy naman ang source mo. Henyo ka talaga, Duts,” ani Trillanes.

Mariing itinanggi ng Senador ang paratang ni Peter Joemel Advincula alias Bikoy, na may kinalaman siya sa “Totoong Narco list” video.




Facebook Comments